Plantun de Prouvènço

Pèr coumpara dos planto d'encò nostre

Sphenopus divaricatus & Juniperus thurifera

Sphenopus divaricatus

Poaceae Graminaceae

Nom en français : Sphénope.

Descripcioun :
Aquéu pichot gramenun prim trachis en ribo de sansouiro e dins li pelouso salado pas trop liuen de la mar. Lis enflourejado soun proun divaricado e porton d'espigueto mistoulino de 2 à 3 mm, amé la glumo de dessouto courteto ( < 0,5 mm), que caup de 2 à 5 flour dis antèro vióuleto e sènso arèsto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Sphenopus
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 3 cm
Flourido : Printèms

Sòu : NaCl
Autour basso e auto : 0 à 50 m
Aparado : Noun
Abriéu à mai

Liò : Sansouiro - Pelouso - Mar
Estànci : Termoumediterran à Coulinen
Couroulougi : Mediterrano-Touranienno
Ref. sc. : Sphenopus divaricatus (L.) C.E.Hubb., 1953

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).